პერსონალურ მონაცემთა დაცვის პოლიტიკა

2.1 ხელშეკრულების დადება, შესრულება ან/და შეწყვეტა

2.1.1 მონაცემთა მოწოდება კონტრაქტის გაფორმების პროცესში

თუ დარეგისტრირდებით შპს ქლაუდის პლატფორმაზე ან გააფორმებთ ხელშეკრულებას კომპანიასთან, კომპანია ხელშეკრულების გასაფორმებლად, შესასრულებლად ან შესაწყვეტად დაამუშავებს შემდეგ პირად მონაცემებს:

მოცემული მონაცემების დამუშავების სამართლებრივი საფუძველი განსაზღვრულია „პერსონალურ მონაცემთა დაცვის შესახებ“ საქართველოს კანონის მე-5 მუხლის 1-ლი პუნქტის შემდეგი ქვეპუნქტებით:

• „ბ“ ქვეპუნქტი: მონაცემთა დამუშავება აუცილებელია მონაცემთა სუბიექტთან დადებული გარიგებით ნაკისრი ვალდებულების შესასრულებლად ან მონაცემთა სუბიექტის მოთხოვნით გარიგების დასადებად.
• „გ“ ქვეპუნქტი: მონაცემთა დამუშავება გათვალისწინებულია კანონით.
• „ი“ ქვეპუნქტი: მონაცემთა დამუშავება აუცილებელია დამუშავებისთვის პასუხისმგებელი პირის ან მესამე პირის მნიშვნელოვანი ლეგიტიმური ინტერესების დასაცავად, გარდა იმ შემთხვევისა, თუ არსებობს მონაცემთა სუბიექტის (მათ შორის, არასრულწლოვანის) უფლებების დაცვის აღმატებული ინტერესი.

თქვენსა და შპს ქლაუდს (Gshop.ge) შორის ნასყიდობის ხელშეკრულების განსახორციელებლად, ასევე, საჭიროა შემდეგი სახის მონაცემების დამუშავება:

შეძენილი საქონლის მიწოდების მიზნით აღნიშნული მონაცემები გადაეცემა ჩვენს პარტნიორ ლოჯისტიკურ და საკურიერო კომპანიებს.

2.2 საკურიერო კომპანიებისთვის მონაცემების გაზიარება

შეკვეთის ადგილზე მიწოდებისათვის ჩვენ ვთანამშრომლობთ საკურიერო და ლოჯისტიკურ კომპანიებთან, რომელთაც შესაძლოა გადაეცეთ შემდეგი სახის ინფორმაცია:

დამუშავების სამართლებრივი საფუძველი: კანონის მე-5 მუხლის 1-ლი პუნქტის „ბ“ ქვეპუნქტი (ხელშეკრულების/გარიგების შესასრულებლად).

2.3 მონაცების მიმღების კატეგორიები

2.3.1 მონაცემების გადამცემი

შპს ქლაუდი იყენებს სხვადასხვა სერვის პროვაიდერებს თქვენი მონაცემების დასამუშავებლად. დამმუშავებელი შეიძლება იყოს ფიზიკური ან იურიდიული პირი, საჯარო ორგანო, სააგენტო ან სხვა უწყება, რომელიც პერსონალურ მონაცემებს ამუშავებს კომპანიის სახელით. დამმუშავებლები არ იყენებენ მონაცემებს საკუთარი მიზნებისთვის – ისინი მონაცემებს ამუშავებენ მხოლოდ შპს ქლაუდის მიერ განსაზღვრული მოთხოვნებისა და მიზნების შესაბამისად.

2.3.2 სხვა მესამე პირები

შპს ქლაუდი, საჭიროებისამებრ, თანამშრომლობს სხვადასხვა პარტნიორებთან მომსახურების მიწოდებისა და სხვა მიზნებისთვის. საჭიროების შემთხვევაში, კომპანია მათ გადასცემს პერსონალურ მონაცემებს, რათა უზრუნველყოს მომსახურების სრულფასოვანი გაწევა (მაგალითად, ინფორმაცია გადაეცემა მწარმოებლებს ან მიმწოდებლებს პროდუქტის გაწვევის („რიქოლის“) შემთხვევაში).

დამუშავების სამართლებრივი საფუძველი: კანონის მე-5 მუხლის 1-ლი პუნქტის „ბ“ და „ი“ ქვეპუნქტები.

2.4 მონაცემთა დამუშავება მარკეტინგული მიზნებისთვის

შპს „ქლაუდი“ (ს/კ 420431884) თქვენი თანხმობის საფუძველზე უფლებამოსილია დაამუშაოს და გამოიყენოს თქვენი მონაცემები პირდაპირი მარკეტინგის მიზნებისთვის, მათ შორის: სახელი, გვარი, მისამართი, ელ.ფოსტა და ტელეფონის ნომერი. აღნიშნული მონაცემების გამოყენებით, კომპანია მოგაწვდით ინფორმაციას მიმდინარე აქციებსა და შეთავაზებებზე.

მარკეტინგული მიზნებისათვის თქვენი მონაცემების დამუშავება ასევე შესაძლებელია შპს „ქლაუდის“ დაკავშირებული კომპანიების მიერ.

მონაცემების დამუშავება ხორციელდება მხოლოდ თქვენი თანხმობის საფუძველზე, რაც განსაზღვრულია „პერსონალურ მონაცემთა დაცვის შესახებ“ საქართველოს კანონის მე-5 მუხლის 1-ლი პუნქტის „ა“ ქვეპუნქტით.

2.5 მონაცემთა დამუშავება თაღლითობის პრევენციის მიზნით

მონაცემთა უსაფრთხოების დარღვევის რისკების შემცირების მიზნით, ჩვენი სერვისების მომხმარებლებთან დაკავშირებული მონაცემები გადაცემის პროცესში დაშიფრულია. ეს ეხება როგორც შეკვეთას, ასევე, მომხმარებლის ანგარიშზე რეგისტრაციას.

მონაცემთა დაშიფვრა ხორციელდება კოდირების სისტემა SSL (Secure Socket Layer) გამოყენებით, რაც მესამე პირებს მონაცემებზე წვდომას უზღუდავს. კიბერ შეტევებისგან დამატებითი დაცვის უზრუნველსაყოფად, ჩვენ ვეყრდნობით უსაფრთხოების სპეციალურ ტექნოლოგიებს, რომლებიც მუდმივად ამოწმებენ ჩვენს სისტემებსა და საიტზე დაფიქსირებულ ანომალიებს.

მაგალითად, შეკვეთის განთავსებისას თქვენ მიერ მოწოდებული მონაცემები შეიძლება გამოყენებულ იქნას შპს ქლაუდის მიერ იმის შესამოწმებლად, მოხდა თუ არა შეკვეთის არატიპიური პროცესი (მაგალითად, დიდი რაოდენობით საქონლის ერთდროულად შეკვეთა იმავე მისამართზე სხვადასხვა მომხმარებლის ანგარიშის გამოყენებით).

ჩვენ ვიყენებთ ტექნიკურ და ორგანიზაციულ ზომებს, რათა დავიცვათ ჩვენი სისტემები მონაცემთა დაკარგვისა და განადგურებისგან, ასევე, მომხმარებელთა მონაცემების უნებართვო წვდომისა თუ გავრცელებისგან. ამ გზით ვცდილობთ, რომ არაავტორიზებული წვდომის რისკი მაქსიმალურად შემცირდეს. თუმცა, ჩვენ, ისევე როგორც სხვა კომპანიები ვერ ვუზრუნველყოფთ აბსოლუტურ დაცვას.

დამუშავების სამართლებრივი საფუძველი: კანონის მე-5 მუხლის 1-ლი პუნქტის „ზ“ და „ი“ ქვეპუნქტები.